我唔可以再俾客人笑,

我發誓!

我由呢一刻開始,我努力學英文同普通話!

一波未平一波又起

真係哈皮,

過完奪命雙週,考試又展開!

大家加油^_^,

番學又番工,真係有點兒辛苦,

勉勵下自己,努力!

近況

擔心,擔心

有很多擔心在心中!

一大堆功課和4個present都堆在11月尾,

始終最擔心既就係普通話!

我唔想好似我e家個班個同學咁,

要係下個sem retake普通話!

真係寧願讀chem,bio都唔讀普通話,

都唔知d人點解拼音咁叻,我就咁屎/_\!

點解呀?我普通話既程度真係令人擔憂

人拚音我拚音,

人用聲母韻母拼,

我就用英文拼普通話,

例如:弟弟,人地拼就=di di,我就=de de

-________________________-||

點解要咁難呀??

惡補都唔得掂!不過點都要克服佢,拎番d成功感!

剩低11月既日子將會很充實,

真係講番句,

屁股我得一個,功課就一大蘿!

-_-11月16日打game~偷埋呢次閒,就俾心機溫書+功課lu!

其實重有好多低能野想同大家分享,

可惜唔係想打咁多字-_-,

最後溫馨提示下,

大家要繼續努力!努力向自己目標進發!

因為呢一年只餘下四十五天!

民以食為天

近期,真的肥了不少,

但冇乜意欲去控制下食量,

點解呢?

因為呢排成日係到諗,

食得是福,點解唔好好享受下?

11月1日  微雨

哈哈,每次上完網球,都同Tobbie,Jason周圍去食野,

今次就去左九記食牛腩,原先係想食對面個間蕃茄牛肉麵,

不過爆曬棚,九記又唔係爆得好誇張,

咁就去左食了,

坐底左,感覺同麥文記一樣,出名數種東西,別無他選,

小弟就叫左一個牛腩河,

比麥文記大碗,價錢差不多,

牛腩與湯底的確幾好(小弟諗唔到其他形容詞,倒吊半滴墨水都無)

哈,行去既時間仲耐過食既事間,

不過真係ok好味,大家可以試下!

食完之後,各自回家lu,我就番家睡覺,

晚上跟阿哥出旺角走一趟,

看看war game用品,11月16日打game,今次應該ok齊人,

春夏秋冬番黎啦!

看完war game用品,就睇下電話,

真架,真係無諗著個日會買電話,

最後,,,有新電話用lu,,,等左2,3個月,終於睇巖部啦

行下行,等埋阿哥女朋友放工先去食飯,

阿哥請食飯,萬歲,

去左盛八食日式燒烤,

真係不得不說番句:「Oi Shi」  (-.-唔知係咪咁拚)

不過都ok貴,10點後某d食物25% off,

開始叫左一個拼盤,牛肩肉,豬腸,年糕

最後叫多個厚切牛肉,

↑推介,

見人地煎牛扒用猛火煎曬幾邊,鎖住肉汁,

我用同樣道理,猛火燒曬六邊,

最後用細火燒多陣,再沾一下秘製醬汁,

一啖咬下去,,,,,,,,,,,正呀!!!!!!!!!!!

成口都係肉汁,不過唔知會唔係會血黎,哈哈!

無由怕,平時都食開五成熟!

呢幾舊牛,真係有史以來,我食過既最好味既牛!

龍真係要食番肉啦))))

最後,食埋個甜品,諗著幫呢餐畫上一個完美既句號,

點知,,,發生左一件好可怕既事,

而家諗番都得人驚/_\,,,第一次見ja!

多謝阿哥請食呢餐飯))))

瘋狂一星期

這幾天很可怕,因為全部功課都堆在這星期交,

每日訓既時間不太多,日日對住電腦係咁做功課,

人都就黎癲,

話說有一天,要早上五時半叫君起身,

點知一起身就已經成十點,

即刻sd個sms同君say sorry,

因為冇叫到佢起身,

點知佢話番俾我知,我五點半個時有打俾佢叫佢起身,

但係我一點印像也沒有,

另外,我連續三天也沒有帶鑰匙上學,

竟然是連續三天,

好可怕,這星期被功課沖昏了頭腦,

還有,某天放學去大家樂買飯食,

叫完個飯之後,個收銀員再問飲乜野,

我竟然答:「涷可樂!」

................................講完之後自己係到傻笑,

心諗,乜有熱可樂架咩?!

又講錯d低b野.